qat.a hota rahe is tarah bayan-e-va.iz
ek hi baat men ho band zaban-e-va.iz
turfa-afat men phansi aati hai jan-e-va.iz
kaun mai-ḳhana men tha martaba-dan-e-va.iz
kyuun na mina-e-mai-e-nab paTak duun sar par
aish jab talḳh ho sun sun ke bayan-e-va.iz
is tarah pand-o-nasihat ki uTha.i tamhid
aaj saaqi pe hua mujh ko guman-e-va.iz
tezi-e-bada kuja talḳhi-e-guftar kuja
kund hai nashtar-e-saqi se sinan-e-va.iz
fasl-e-gul aate hi mai-ḳhana men ik bhiiḌ hui
na suni ek bhi rindon ne fughan-e-va.iz
phir dar-e-pir-e-ḳharabat pe baiTha hai ‘habib’
ye to aaya tha abhi sun ke bayan-e-va.iz
Leave a Reply