Arif Ishtiaque
dil TuuTa to kya se kya nuqsan hua
yak-dam mujh men nazil ik shaitan hua
ye fitrat hai aur fitrat ka matlab hai
jis ne pahle maara vo bhagvan hua
sach bola tha main ne tum ne jhuuT suna
mujh pe tum aur main tum pe hairan hua
bai.at nahin ki ham ne unche namon ki
par jo likkha sab ka sab farman hua
bhiiḌ lagi thi rang-birange namon ki
phir meri be-rangi ka elaan hua
Leave a Reply