dil To Pazhmurda Hai dagh-E-Gulsitan Hon To Kya

Poet

dil to pazhmurda hai dagh-e-gulsitan hon to kya

ankhen roti hain dahan-e-zakhm khandan hon to kya

dagh-e-gham dil par utha kar marne vaale mar gae

burj qabron ke agar sarv-e-charaghan hon to kya

begamen shahzadiyan phirne lagin khana-kharab

ab chudelen sahiban-e-qasr-o-divan hon to kya

farsh-e-khak ab ahl-e-masnad ko nahin hota nasib

boriya-baf aaj zeb-e-takht-e-sultan hon to kya

masjiden tuuti padi hain saumee viran hain

yad-e-haq men ek do dil-ha-e-sozan hon to kya

sufiyan-saf-tinat vasil-e-haq ho gae

khud-numa do chaar nang-e-ahl-e-irfan hon to kya

bujh gaiin shamen jalen parvane to kya faeda

ud gae parvane shamen nur-afshan huun to kya

sakht-jan o be-haya do chaar ham se jo rahe

har ghadi paband-e-khauf-e-izzat-o-jan hon to kya

karbala men ya najaf men chal ke mar jaaen ‘munir’

hind men ham pahlu-e-gor-e-ghariban hon to kya