dil se taa.at tiri nahin hoti
ham se ab bandagi nahin hoti
aisi kuchh be-dili si ‘ghalib’ hai
ki tiri yaad bhi nahin hoti
dil na jab tak ho ek sho.ala-e-ishq
zindagi zindagi nahin hoti
haif vo jas se shiddat-e-gham men
ḳhvahish-e-marg bhi nahin hoti
raas aati nahin koi tadbir
yas-e-javed bhi nahin hoti
zabt-e-gham bhi muhal hai ham se
aur fariyad bhi nahin hoti
dil-parasti ḳhuda-parasti hai
ḳhud-parasti ḳhudi nahin hoti
al-hazar tishnagi-e-ishq ‘jigar’
haa.e taskin hi nahin hoti
Leave a Reply