Poet
kab mohabbat se dekhte hain mujhe
sab zarurat se dekhte hain mujhe
mera nindon ke saath jhagḌa hai
ḳhvab hasrat se dekhte hain mujhe
jang jiiti hai kaise ḳhushbu se
phuul hairat se dekhte hain mujhe
main to un se bhi pyaar karta huun
jo hiqarat se dekhte hain mujhe
saare tiryak paas hain mere
saanp nafrat se dekhte hain mujhe
bai.at-e-lafz jab se ki main ne
harf izzat se dekhte hain mujhe
main to sahra ka rahne vaala huun
peḌ qismat se dekhte hain mujhe
tera didar un ki mazduri
jo bhi mehnat se dekhte hain
jaane kab chashm-e-nilgun barse
ashk muddat se dekhte hain mujhe
Leave a Reply