Dil-Ruba Pahlu Se Ab uTh Kar Juda Hone Ko Hai

dil-rubā pahlū se ab uTh kar judā hone ko hai

kyā ġhazab hai kyā qayāmat hai ye kyā hone ko hai

dushmani-e-ḳhalq merī rahnumā hone ko hai

ab mirā dast-e-talab dast-e-duā hone ko hai

tū ne chāhā thā burā merā bhalā hone ko hai

āb-e-ḳhanjar halq meñ āb-e-baqā hone ko hai

aaj to jī bhar ke pī lene de ai saaqī mujhe

jaan hī jaatī rahegī aur kyā hone ko hai

ai dil-e-pur-ārzū kar de sar-e-taslīm ḳham

dekh kin hāthoñ se ḳhūn-e-mudda.ā hone ko hai

shoḳh-raftārī kā apnī dekh to muḌ kar asar

saath saath uTh kar ravāñ har naqsh-e-pā hone ko hai

Leave a Comment