Sahab Qazalbash
dil pe gar choT na lagti to na ishrat thi na gham
saaz ke parde se bahar na nikalta sargam
ham ko baḳhsha hai zamane ne jahan-bhar ka alam
tab-e-ḳhurshid se chhalni hua qalb-e-shabnam
ab ye halat hai ki vo ḳhud hue ma.il-ba-karam
aaj yaad aa.e bahut ham ko zamane ke sitam
ḳhak-e-parvana dam-e-sub.h uḌi jaati hai
khul na jaa.e kahin mahfil ke charaghon ka bharam
jaise uusha ki larazti hui pahli aahaT
yuun tabassum tire honTon pe hai darham-barham
ḳhaliq-e-jud-o-saḳha ye to baḌi baat na thi
teri duniya men tabassum ko taraste rahe ham
Leave a Reply