poet

Aa Teri Gali Mein Mar Gae Hum

aa teri gali men mar gae ham

manzur jo tha so kar gae ham

tujh bin gulshan men gar gae ham

juun shabnam chashm-tar gae ham

paate nahin aap ko kahin yaan

hairan hain kis ke ghar gae ham

us aina-ru ke ho muqabil

maalum nahin kidhar gae ham

go bazm men ham se vo na bola

baten ankhon men kar gae ham

juun shama us anjuman se ‘bedar’

le dagh-e-dil-o-jigar gae ham

More Poems

Leave a Comment