Rais Farogh
dhuup men ham hain kabhi ham chhanv men
raste uljhe hue hain paanv men
bastiyon men ham bhi rahte hain magar
jaise avara hava sahraon men
ham ne apnaya daraḳhton ka chalan
ḳhud kabhi baiThe na apni chhanv men
kis qadar nadan hain ahl-e-jahan
ham gine jaane lage danaon men
samne kuchh der lahrate rahe
phir vo sahil bah ga.e dariyaon men
ik yahi duniya badalti hai ‘farogh’
kaisi kaisi ajnabi duniyaon men
Leave a Reply