sab ke chehron pe koi chehra hai
koi dushman hai koi apna hai
meri ankhon men ḳhvab hain tere
teri ankhon men kaun rahta hai
mujh se mujh ko kabhi to milne de
mujh se mera bhi koi rishta hai
sochta huun ki in gulabon men
ruup kis ka hai rang kis ka hai
aa ki duniya ko ab bata bhi duun
chand ik aur main ne DhunDa hai
jaan si Daal di bujhe dil men
ishq kya hai bas ik karishma hai
bazm us ke liye saja.i thi
aur vahi be-niyaz baiTha hai
Leave a Reply