Poet
ai ka.enat tere sahare hamin to hain
tere nazar-navaz ishare hamin to hain
amvaj-e-husn-o-ishq ka irfan hamin se hai
dariya-e-zindagi ke kinare hamin to hain
tufan-e-hadsat ke ḳhaliq tumhin to ho
tufan jin ko paar utare hamin to hain
ham se siva hayat ko samjhega aur kaun
un ki navazishat ke maare hamin to hain
ye aur baat hai ki tumhen ilm hi nahin
varna bhare jahan men tumhare hamin to hain
duniya-e-zindagi ka nazara karen to kya
duniya-e-zindagi ke nazare hamin to hain
‘parvez’ sha.iri ki hararat hamin se hai
ilm-o-adab ke shoḳh sharare hamin to hain
Leave a Reply