Dil Pe Aae Hue Ilzam Se Pahchante Hain

dil pe aae hue ilzam se pahchante hain

log ab mujh ko tire naam se pahchante hain

aina-dar-e-mohabbat huun ki arbab-e-vafa

apne gham ko mire anjam se pahchante hain

baada o jaam bhi ik vajh-e-mulaqat sahi

ham tujhe gardish-e-ayyam se pahchante hain

pau phate kyuun miri palkon pe sajate ho inhen

ye sitare to mujhe shaam se pahchante hain

Leave a Comment