yahan pe jo hai vo maz.hab-shikar hai haan hai
ḳhuda dilon pe dimaghon pe baar hai haan hai
tamam mufti-o-va.iz ḳhuda ko bechte hain
to kya ḳhuda bhi koi karobar hai haan hai
har ek chiiz men tum aib dekhte ho nahin
tumhara lahja shikayat-guzar hai haan hai
sabhi ko ḳhabt-e-ḳhud-ara.i-o-numa.ish hai
sabhi ke zehn pe aurat savar hai haan hai
jo chand log mohazzab hue hain kahte hain
ki masḳharon men tumhara shumar hai haan hai
tum aaj bhi usi hasrat se mujh se milti ho
to kya abhi bhi mira intizar hai haan hai
Leave a Reply