mansab-e-ishq se kuchh ohda-bara main hi hua
tere kuche men sarafaraz-e-vafa main hi hua
kuchh chali to tere ashiq se hi talvar chali
jab hui jang bapa mard-e-vigha main hi hua
gar khuli tujh pe hi ḳhushbu-e-nahufta koi
tera mahram bhi to ai bad-e-saba main hi hua
vo jo be-izn uḌa laata tha ḳhushbu teri
pahle pahle to vo gustaḳh hina main hi hua
kaisi shaffaf faza thi yahan avval avval
ek mausam to yahan bal-kusha main hi hua
kuchh teri zulf khuli to meri sanson pe khuli
tujh pe avara-e-ham-rang-e-saba main hi hua
teri ḳhatir hi tha main mansab-o-member ka haris
teri ḳhvahish se faqirulfuqara main hi hua
tere baa.is tha main sayyar-o-savabit ka harif
aur tira izn hua jab to fana main hi hua
Leave a Reply