Poet
duniya men kya kisi se sarokar hai hamen
tujh bin to apni ziist hi dushvar hai hamen
tu hi nahin to jaan tiri jaan ki qasam
ye jaan kis ke vaste darkar hai hamen
girte hain dukh se teri juda.i ke varna ḳhair
change-bhale hain kuchh nahin azar hai hamen
mar bach ke din to guzre hai jun-tun par is tarah
nazron men nur-e-mehr shab-e-tar hai hamen
phir raat ki na puchh haqiqat ki sub.h tak
ah-o-fughan-o-dida-e-ḳhunbar hai hamen
ho kar udaas baagh men javen kabhu to vaan
nazron ke biich har rag-e-gul ḳhaar hai hamen
din ka vo haal raat ka vo kuchh bayan hai
sair-e-chaman so dil se kuchh ai yaar hai hamen
tis par bhi ham se milne ka inkar hai tujhe
jis men tiri raza su-e-iqrar hai hamen
shikve bhare hain dil men va-lekin ‘muhibb’-e-man
kab tere aage taqat-e-guftar hai hamen
Leave a Reply