Aftab Iqbal Shamim
rizq ka jab nadaron par darvaza band hua
basti ke goshe goshe se shor buland hua
matla-e-be-anvar se phuta shokh tabassum kirnon ka
raat ke ghar men suraj jaisa jab farzand hua
saada be-amezish jazba-e-pir faqir karamat ka
jis ke ism se mayusi ka zahr bhi qand hua
avval avval shor utha siine men aam tamanna ka
band fasilon ke gumbad men jo do-chand hua
dukh ko samt-shanasai di gham ke qurbat-daron ne
dil dhara dariya mil kar bahra-mand hua
chaliye apne aap se chimte rahna to mauquf kiya
jab se roz ke samjhauton ka vo paband hua
Leave a Reply