dil-o-nazar ko lahu men Dubona aata hai
na ab hansi hamen aa.e na rona aata hai
hava ke haath charaghon se khelte hain yunhi
ki haath bachchon ke jaise khilauna aata hai
ham ahl-e-zar ke daron par qadam nahin rakhte
gada-e-ḳhak hain miTTi pe sona aata hai
ḳhumar-e-dar-ba-dri chain se na rahne de
jo ḳhvab aata hai aksar salona aata hai
ghazal ke sher hain mufrad magar vo sha.ir hai
jise sab ek laḌi men pirona aata hai
Leave a Reply