dil na de saath to gham kaise saha ja.ega
ki usi ghar men ye sailab-e-bala ja.ega
ik musafir hai vo us ki koi manzil hi nahin
jis taraf bhi qadam uTThenge chala ja.ega
main to is jabr-e-musalsal men bhi lab-basta nahin
yuun samajh le tira har tiir ḳhata ja.ega
barf pighlegi to mausam bhi badal ja.enge
pau phaTegi to ujala nazar aa ja.ega
lamha lamha mire hone ki gavahi dega
patte patte pe mira naam likha ja.ega
ruuh ka zaḳhm hai is par koi marham na laga
zahr phailega to nas nas men sama ja.ega
Leave a Reply