dil mutma.in hai harf-e-vafa ke baghair bhi
raushan hai raah nur-e-sada ke baghair bhi
ik ḳhauf sa daraḳhton pe taari tha rat-bhar
patte laraz rahe the hava ke baghair bhi
ghar ghar vaba-e-hirs-o-havas hai to kya hua
marte hain log roz vaba ke baghair bhi
main saari umar lafzon se kambal na bun saka
kaTti hai raat ya.ani rida ke baghair bhi
ehsas-e-jurm jaan ka dushman hai ‘ja.afari’
hai jism taar taar saza ke baghair bhi
Leave a Reply