Ahmad Ata
hui ghazal hi na kuchh baat ban saki ham se
ye sarguzisht-e-junun kab bayan hui ham se
sadak pe baith gae dekhte hue duniya
aur aise tark hui ek khud-kushi ham se
ham aa gae the ghane bargadon ke saae men
sau baat karne chali aai raushni ham se
vo khvab kya tha ki jo bhulne laga dam-e-sub.h
vo raat kaisi thi jo ruthne lagi ham se
bujha ke apne alaav pada hamen chhupna
to yuun kahani faramosh ho gai ham se
ham aaj phir badi tab-o-tavan se julte hain
phir aaj sahm to jaegi tirgi ham se
ham aaj bhi usi darvaze ki bane the darz
vo be-niyaz usi tarah phir mili ham se
Leave a Reply