Dil Mera Saghar-E-Shikayat Hai

dil mira saghar-e-shikayat hai

zahr-e-gham bas ki be-nihayat hai

vo bhaven mujh pe kyuun na zulm karen

chashm-e-khun-rez ki himayat hai

dev mujhe laakh daam ki jagir

zulf kholo badi riayat hai

naqd-e-didar bul-havas kuun na dev

is men sarkar ki kifayat hai

be-gunahon kuun qatl karne par

mufti-e-naz ki rivayat hai

haikal-e-lakht-e-dil men harf-e-vafa

murshid-e-ishq ki inayat hai

shama-ru sun bayan-e-soz-e-‘siraj’

ki ajab dard ki hikayat hai

Leave a Comment