Poet
dil mira dekh dekh jalta hai
sham.a ka kis pe dil pighalta hai
ham-nashin zikr-e-yar kar ki kuchh aaj
is hikayat se ji bahalta hai
dil mizha tak pahunch chuka juun ashk
ab sambhale se kab sambhalta hai
saqiya daur kya kare hai tamam
aap hi ab ye daur chalta hai
apne ashiq ki soḳht par pyare
kabhu kuchh dil tira bhi jalta hai
dekh kaisa patang ki ḳhatir
shola-e-sham.a haath malta hai
aaj ‘qa.em’ ke sher ham ne sune
haan ik andaz to nikalta hai
Leave a Reply