ghurub hote hue surajon ke paas rahe
udaas shaam ki manind ham udaas rahe
khanDar sa ek makan takta hai raston ko
na jaane aaj kahan is ke gham shanas rahe
bahar aa.i to saj-dhaj ke ho ga.e tayyar
daraḳht sirf ḳhizaon men be-libas rahe
ye kah ke ho ga.e thoḌe se bevafa ham bhi
hamesha kaun mohabbat men devdas rahe
mire ḳhayal men tauhin hai aqidat ki
samundaron men rahun aur labon pe pyaas rahe
Leave a Reply