dil men mohabbaton ke siva aur kuchh nahin
teri hikayaton ke siva aur kuchh nahin
ye gham ki bhiiḌ aur ye duniya ke raste
un ki inayaton ke siva aur kuchh nahin
apna nahin ḳhayal magar dusron ka hai
bilkul himaqaton ke siva aur kuchh nahin
bhaa.i ko bhaa.i kis liye deta hai ranj-o-gham
beja adavaton ke siva aur kuchh nahin
ye rang-o-nasl aur tashaddud ke silsile
dushman ki rahaton ke siva aur kuchh nahin
Leave a Reply