Shahid Kaleem
jo dekhta hai mujhe a.ine ke andar se
vo kaun hai koi puchhe bhi us sitamgar se
sukut TuuT gaya ḳhamushi ke jangal ka
miri sada.en uThin is tarah mire ghar se
main ek tinke ki surat hamesha bahta raha
mujhe mafar na mila vaqt ke samundar se
mire dayar men maazi ki jo thiin tasviren
sabhon ko toḌ diya main ne aaj patthar se
tamam raat koi bhi na tha mire ghar men
lipaT ke soi thi tanha.i mere bistar se
Leave a Reply