Poet
jo ghaav tum ne diya tha vo ghaav zinda hai
abhi hanso na miri jaan ‘rav’ zinda hai
tumhari dil se vahi khelne ki aadat hai
hamara apna vahi rakh-rakhao zinda hai
abhi na soch miri haar teri jiit hui
abhi to khel men antim paḌav zinda hai
Dare Dare hue sahme hue andhere hain
charagh bujh to raha hai dabav zinda hai
hamen yaqin hai ‘nasir’ nahin bhaTak sakte
abhi ghazal se hamara lagav zinda hai
Leave a Reply