Guzro Na Is Tarah Ki Tamasha Nahin Hun Main

guzro na is tarah ki tamasha nahin huun main

samjho ki ab huun aur dobara nahin huun main

ik taba rang rang thi so nazr-e-gul hui

ab ye ki apne saath bhi rahta nahin huun main

tum ne bhi mere saath uthae hain dukh bahut

khush huun ki rah-e-shauq men tanha nahin huun main

pichhe na bhaag vaqt ki ai na-shanas dhuup

sayon ke darmiyan huun saaya nahin huun main

jo kuchh bhi huun main apni hi surat men huun ‘alim’

‘ghalib’ nahin huun ‘mir’-o-‘yagana’ nahin huun main

Leave a Comment