dil men ḳhayal-e-yar hai jasus ki namat
rakhta huun is kuun nang suun namus ki namat
viran hai siina bas-ki tire baaj ai sanam
fariyad-e-dil hai naghma-e-naqus ki namat
us rashk-e-mahr paas pahunchne ka shauq hai
is vaste anjhun hain mire uus ki namat
is fasl-e-nau-bahar men be-bada-e-ghurur
har bul-havas hai rang men ta.us ki namat
us sham.a-ru ke ishq men ‘da.ud’ gal sakal
tan ho raha hai parda-e-fanus ki namat
Leave a Reply