vafa ke jurm men aksar pukare jaate hain
ham ahl-e-ishq mohabbat men maare jaate hain
hamari laash to girti hai jang laḌte hue
magar jo piiTh pe barchhe utare jaate hain
amama sajta hai aḳhir amir-e-shahr ke sar
hamare jaise aqidat men vaare jaate hain
main rok sakta nahin ḳhaak ko bikharne se
samundaron ki taraf chal ke dhare jaate hain
bhale ho kar-e-mohabbat ya kar-e-duniya ‘zubair’
hamare saath hamesha ḳhasare jaate hain
Leave a Reply