Poet
tira ḳhayal tha lafzon men Dhal gaya kaise
dilon men sham-e-ghazal ban ke jal gaya kaise
vo aadmi jo mira dost tha zamane tak
pata nahin ki yakayak badal gaya kaise
bahut hi tez hava sher-e-hadsat ki thi
main girte girte na jaane sambhal gaya kaise
kahin bhi aag lagane ka vaqi.a na hua
to phir huzur makan mera jal gaya kaise
ḳhalish se jis ki thi vabasta yaad manzil ki
vo ḳhaar paanv se ‘ḳhusrav’ nikal gaya kaise
Leave a Reply