dil men jab kabhi teri yaad so ga.i hogi
chand bujh gaya hoga raat ro paḌi hogi
kya ḳhabar ki aise men tum ne kya kiya hoga
mujh se tark-e-ulfat ki baat jab chali hogi
be-qarar duniya men tere lauT aane tak
jagti tamanna bhi thak ke so chuki hogi
kaun aise qisson ka iḳhtitam chahega
jin men teri zulfon ki baat aa ga.i hogi
aap kyuun pareshan hain aap to nahin ro.e
aap ki nigahon men meri bebasi hogi
Leave a Reply