dil men har-vaqt yaas rahti hai
ab tabi.at udaas rahti hai
un se milne ki go nahin surat
un se milne ki aas rahti hai
maut se kuchh nahin ḳhatar mujh ko
vo to har-vaqt paas rahti hai
ab-e-haivan jise bujha na sake
zindagi ko vo pyaas rahti hai
dil to jalvon se bad-havas hi tha
aankh bhi bad-havas rahti hai
un ki surat ajab hai sho.abada-baz
duur rah kar bhi paas rahti hai
dil kahan ‘arsh’ ab to pahlu men
ek tasvir-e-yas rahti hai
Leave a Reply