Poet
bagh-e-ulfat men gul jo ḳhud-rav hai
ḳhun-e-bulbul ka rang hai bu hai
ashiq-e-jan fida-e-abru hai
jo mah-e-id sar-ba-zanu hai
fitna-e-hashr zulf-e-umr-e-daraz
par bala-e-siyah gesu hai
teri abru hai tegh ai saffak
jauhar-e-tegh chin-e-abru hai
husn un ka agar hai sangin dil
ishq apna bhi saḳht baazu hai
len na shor-e-nushur se karvaT
vo yahan ḳhvab chaar pahlu hai
tol le sher ko mire hasid
paas agar nazm ki tarazu hai
kyuun na vo chashm-e-shauq men khaTke
ai pari-ru kamar tiri mu hai
us ka ashiq hua huun jis ki ‘vaqar’
chashm aahu nigah aahu hai
Leave a Reply