Dattatriya Kaifi
yuun sisakta mujhe tum chhoḌ na jaao aao
aḳhiri vaqt hai ai jan-e-man aao aao
sohbat-e-lutf men lo naam na ghairon ka kabhi
dil men ashiq ke na tum aag lagao aao
be-bane hi bahuton ko hai bigaḌa is ne
apni kakul ko bahut ab na banao aao
pi bhi lo rahne do kausar ki kahani zahid
aisi be-par ki na yaron se uḌaao aao
‘kaifi’ chhoḌo bhi kahin ku-e-butan ki ye dhun
chain aram dil-o-din na ganvao aao
Leave a Reply