Poet
dil men ik dard nihan ho to ghazal hoti hai
sail-e-jazbat ravan ho to ghazal hoti hai
gham ka ehsas javan ho to ghazal hoti hai
ishq maa.il ba fughan ho to ghazal hoti hai
un pe jab apna guman ho to nikharta hai shu.ur
ḳhud pe jab un ka guman ho to ghazal hoti hai
mere dil men jo nihan hai vo gham-e-be-payan
teri ankhon se ayaan ho to ghazal hoti hai
shab-e-furqat men sulagte hue ashkon ke tufail
zindagi sho.ala-ba-jan ho to ghazal hoti hai
Leave a Reply