dil men bala-e-ishq ka azar bhi to ho
dast-e-vafa pe bai’at-e-dildar bhi to ho
dekhe hain ham ne ghazi-e-guftar hi faqat
ai kaash koi sahab-e-kirdar bhi to ho
kahne ko laakh lashkar-e-jarrar hai magar
manzumat ko jayyad ik salar bhi to ho
jis par saja.en ḳhil.at-o-alat-e-askari
amboh-e-buzdilan men vo ji-dar bhi to ho
‘mina’ milegi dad-e-suḳhan bhi tujhe vale
a.ina-dar fan tira iz.har bhi to ho
Leave a Reply