Saleem Betab
ik aan men hi yuun tira paikar badal gaya
jaise stage par koi manzar badal gaya
sunta nahin hai koi bhi meri pukar ko
dastak badal ga.i ki mira ghar badal gaya
ik aan men hi sab dar-o-divar dhul ga.e
barish se shahr-bhar ka muqaddar badal gaya
ḳhalvat men jis ke lab pe the meri vafa ke giit
vo shaḳhs mere samne aa kar badal gaya
‘betab’ ab to had-e-nazar tak hi ret hai
raton hi raat kitna samundar badal gaya
Leave a Reply