Pinhaan
dil ko ye samjhana hai
duniya pagal-ḳhana hai
vo kaisa begana hai
dil jis ka divana hai
fitrat ke begar sabhi
sham.a hai parvana hai
jivan dukh-sukh sukh-dukh sab
uljha tana-bana hai
hiire moti ro lena
hansne ka harjana hai
sapna hai ye jivan aur
duniya ik afsana hai
hasil ka bhi hasil kya
aḳhir to mar jaana hai
manzil vaise duur nahin
rasta kuchh an-jana hai
maut ke qadmon men rakkha
hasti ik nazrana hai
‘pinhan’ ab to har ik ko
sha.ir hi kahlana hai
Leave a Reply