Syed Kashif Raza
dil ko tumhare ranj ki parva bahut rahi
talḳhi-e-ishq ab ke gavara bahut rahi
jis zindagi ko chhoḌ ke aaya huun yuun shitab
us zindagi ki mujh ko tamanna bahut rahi
dil ke varaq pe saaf likhi thi jo ek satr
kaghaz pe aa ga.i to burida bahut rahi
bas ek zaḳhm saunp ke mujh se kiya gurez
dil ko to us mizha se tamanna bahut rahi
ik hijr-e-be-panah raqam kar raha tha main
ye lauh-e-hijr mujh se navishta bahut rahi
Leave a Reply