Poet
dil hai ek hi lekin nam-e-dil badalta hai
saj gaya to gulshan hai luT gaya to sahra hai
mera dard-e-mahrumi ik naya taqaza hai
ishq ra.egan kyon ho tum nahin to duniya hai
husn hai baharen hain shauq hai tamasha hai
ashiqi ki nisbat se zindagi gavara hai
dard-o-gham ki rahon men saath chhoḌna kaisa
duur tak chale aao duur tak andhera hai
kal tire tasavvur ne mahfilen saja.i thiin
aaj dil ki duniya men teri yaad tanha hai
zulmaton ka rona kya ahl-e-karvan hoshyar
us taraf hain rahzan bhi jis taraf ujala hai
raushni men Dhalti hai dil ke ḳhuun ki surḳhi
tab kahin sar-e-mizhgan ik charagh jalta hai
gard-e-rah-e-insan hain mah-o-kahkashan ‘shahid’
justuju-e-paiham ka hashr kis ne dekha hai
Leave a Reply