Kis Ne Sunaya Aur Sunaya to Kya Suna

Poet

kis ne sunaya aur sunaya to kya suna

sunta huun aaj tu ne mira majra suna

aise se dil ka haal kahen bhi to kya kahen

jo be-kahe kahe ki chalo bas suna suna

vasl-e-adu ka haal sunane se fa.eda

allah rahm kijiye bas bas suna suna

qasid tire sukut se dil be-qarar hai

kya us jafa-shi.ar ne tujh se kaha suna

aḳhir ‘hasan’ vo ruuTh ga.e uTh ke chal diye

kam-baḳht aur hal-e-dil-e-mubtala suna