dil Ko Main Aaj Nasehan Usko diya Jo Ho So Ho

Poet

dil ko main aaj nasehan us ko diya jo ho so ho

raah men ishq ke qadam ab to rakha jo ho so ho

ashiq-e-jan-nisar ko khauf nahin hai marg ka

teri taraf se ai sanam jaur-o-jafa jo ho so ho

ya tire paanv men lage ya mile khaak men tamam

dil ko main khuun kar chuka misl-e-hina jo ho so ho

khvah kare vafa-o-mehr khvah kare jafa-o-jaur

dilbar-e-shokh-o-shang se ab to mila jo ho so ho

ya vo utha de mehr se ya kare tegh se juda

yaar ke aaj paanv par sar ko dhara jo ho so ho