udasi ke manzar makanon men hain
andhere abhi ashiyanon men hain
mohabbat ko mausam ne avaz di
dilon ki patangen uḌanon men hain
zaban vaale bhi kaash samjhen kabhi
vo dukh dard jo be-zabanon men hain
parindon ki parvaz qaa.em rahe
ka.i ḳhvab shamil uḌanon men hain
kahan manzilen gum pata hi nahin
nigahen magar asmanon men hain
gharon men hain mahrumiyon ke nishan
ki ab raunaqen bas dukanon men hain
Leave a Reply