munkashif talkhi-e-halat na hone paai
aap aae bhi to kuchh baat na hone paai
dil bhar aaya bhi to ankhon se na tapke aansu
abr chhaya bhi to barsat na hone paai
aap se mil ke bhi akasr yahi mahsus hua
aap se goya mulaqat na hone paai
ham ne jiite hue dekha to hai dil valon ko
par ayaan surat-e-halat na hone paai
‘soz’ har roz hui raat magar hijr ki raat
vasl ki raat koi raat na hone paai
Leave a Reply