Dil Ko Gham-E-Hayat Gawara Hai In Dinon

dil ko gham-e-hayat gavara hai in dinon

pahle jo dard tha vahi chara hai in dinon

har sail-e-ashk sahil-e-taskin hai aj-kal

dariya ki mauj mauj kinara hai in dinon

ye dil zara sa dil tiri yadon men kho gaya

zarre ko andhiyon ka sahara hai in dinon

shamon men ab nahin hai vo pahli si raushni

kya vaqai vo anjuman-ara hai in dinon

tum aa sako to shab ko badha duun kuchh aur bhi

apne kahe men subh ka taara hai in dinon

Leave a Comment