Hammad Niyazi
dil ki yad-dahani se
aankh khuli hairani se
rang hain saare miTTi ke
be-range is paani se
harf-nigari sikhi hai
kamre ki virani se
peḌ ujaḌte jaate hain
shaḳhon ki nadani se
dagh-e-girya ankhon ka
kab dhulta hai paani se
haar diya hai ujlat men
ḳhud ko kis asani se
ḳhauf aata hai ankhon ko
bhed bhari uryani se
roz pasina bahta hai
ankhon ki peshani se
Leave a Reply