Sahir Dehlavi
dil ki taskin ko kaafi hai pareshan hona
hai tavakkul ba-ḳhuda be-sar-o-saman hona
yuun to har diin men hai sahab-e-iman hona
ham ko ik but ne sikhaya hai musalman hona
ai pari-ru tire divane ka iman kya hai
ik nigah-e-ghalat-andaz pe qurban hona
kor hai chashm jise da.ava-e-bina.i hai
shart-e-avval hai jahan dida-e-hairan hona
ham se rindadan-e-bala-nosh ka hai shurb-e-mudam
durd-asham-e-mai-e-kulfat-e-hijran hona
vaqf-e-taslim-o-raza chahiye dil ashiq ka
‘sahir’ asan nahin banda-e-janan hona
Leave a Reply