be-niyaz-e-bahar sa kyuun hai
dil ko zaḳhmon se pyaar sa kyuun hai
vo ḳhafa hain ki ham gharibon ko
gham pe kuchh iḳhtiyar sa kyuun hai
meri ankhon ke ḳhvab to gham hain
vo magar be-qarar sa kyuun hai
aks us men tha kis ke chehre ka
aa.ina sangsar sa kyuun hai
ahaTen paas aa ke duur huiin
ham ko phir intizar sa kyuun hai
kya koi sandali mahak si uḌi
dil mira pur-ḳhumar sa kyuun hai
zindagi talḳh hai bahut ‘anjum’
phir bhi zalim se pyaar sa kyuun hai
Leave a Reply