Shaad Aarfi
apni taqdir ko piiTe jo pareshan hai koi
aap ke bas men ilaj-e-gham-e-dauran hai koi
rokiye us ko jo is vaqt ghazal-ḳhvan hai koi
jail men naghma-sara.i ka bhi imkan hai koi
apni marzi se to ugte nahin ḳhud-rav paude
ham gharibon ka ba-har-hal nigahban hai koi
zard chehron ko tabassum ne kiya hai rusva
varna zahir bhi na hota ki pareshan hai koi
hirs darban ko aaqa ka musahib samjhe
sabr aaqa ko samajhta hai ki darban hai koi
chaap sun kar jo haTa di thi uTha la saaqi
shaiḳh sahab hain main samjha tha musalman hai koi
mujh se kafir ke yahan ‘shad’ mukammal sarqa
asas-e-shahr baḌa sahab-e-iman hai koi
Leave a Reply