Jugnu Chand Sitare Le Kar Aai Hun

jugnū chāñd sitāre le kar aa.ī huuñ

tohfe kitne pyāre le kar aa.ī huuñ

in sunsān fazāoñ kī ḳhāmoshī meñ

maiñ āvāz ke dhāre le kar aa.ī huuñ

zulmat-e-shab meñ kuchh to ho ummīd-e-sahar

ashkoñ ke kuchh taare le kar aa.ī huuñ

dekh bayāz-e-sher meñ kitnī ḳhushbū hai

phuul maiñ kitne saare le kar aa.ī huuñ

‘shāhida’ in tārīk fazāoñ kī ḳhātir

āshāoñ ke taare le kar aa.ī huuñ

Leave a Comment